WILLEMSTAD.- Na e momentunan riba e djarason mainta aki, Edsel Gumbs eks hefe di Servisio di Seguridat i Inteligensia di Kòrsou(VDC) ta dunando su deklarashon na wesnan den e kaso di apelashon di Maximus. E kaso aki a trata e asesinonan intelektual, esnan ku a organisá i òf paga pa logra morto di Helmin Wiels.

E eks hefe VDC ta un testigu klave den e kaso aki i p’esei e ta den korte na e momentunan aki dilanti di wes i na otro banda tin e eks minister Jorge Jamaloodin komo e akusado prinsipal.

Abogado Franken di Ulanda, representando Jamaloodin ta "interogando" Gumbs riba un informante ku tabatin informashon tokante morto di Wiels. Spesialmente kon el a aserka fiskal Rip riba e informashon ku e informante ei tabatin. Keda pendiente pa mas detaye segun e kaso ta kontinuá