WILLEMSTAD.- A kuminsá duna barionan koriente bek. Pero ta pidi pa usa e koriente moderá. No kore sende èrko pa e no hala dimas. Na e momentu aki ta na 18 pa 20 % di komunidat ku a haña koriente kaba. Tékniko di Aqualectra a duna informashon i a bisa ku ta hasiendo máksimo pa mantené stabilidat i tiki tiki ta keda hinka barionan aden. E desbalansa anochi tabata e problema i nada otro. E demanda ku ta duna normalmente ta subi awor aki. Esaki ta trese e desbalansa i mester tene kuenta kuné i p’esei ta bai poko poko pa asina por garantisá. Ta pidi pa hasi uso lo mínimo ku mester ta e momentu aki pa duna espasio pa duna tur hende koriente. Ta hasiendo lo máksimo pa tur hende tin koriente awe pero nada ta garantisá.