WILLEMSTAD.- Den prizòn tambe ta mira e importansia pa vakuná. Resientemente un kantidat bastante grandi di prezu i tambe miembro di Sentro di Detenshon i Korekshon Kòrsou (SDKK) a risibí vakuna. Ta trata di e  di dos grupo, despues ku e promé grupo di hende vulnerabel a risibí nan vakuna. Un kantidat di mas o ménos 250 prezu i 150 miembro di personal a tuma nan promé vakuna kontra di COVID-19 riba djadumingu dia 11 di aprel último. Nan a haña e vakuna di Pfizer. E kantidat di prezunan ku a vakuná ta mas o ménos mitar di e poblashon di prezu den SDKK, miéntras ku di e personal, hopi a vakuná pafó di prisòn kaba.

https://extra.cw/den-wikent-ultimo-bastante-prezu-i-miembro-persona-sdkk-a-vakuna/