WILLEMSTAD.- E konseho di salubridat ta konsehá pa na Kòrsou, Aruba i St. Maarten vakuná e hendenan riba 60 aña i esnan den e medikamente den e grupo di rísiko promé kontra di COVID-19.

Meskos ku na Hulanda Oropeo, ta spera ku mayor parti di e benefishinan pa salú logra di e manera aki ku e kantidat limitá di vakuna ku lo ta promé disponibel. E hunta ta bisa esaki den un konseho, ku ministernan a pidi, i ku a keda publiká.

Dia 19 di novèmber e  konseho di salú a rekomendá e kantidat limitá di vakuna kontra COVID-19 ku inisialmente ta disponibel pa redusí e enfermedatnan grave i mortalidat. E konseho di salú ta rekomendá e strategia aki, pa medio di kua personanan mas grandi ku 60 aña i esnan den e grupo di riesgo médiko sea e promé nan ku ta keda vakuna, tambe konta pa Kòrsou, Aruba i St. Maarten. Esaki meskos ku pa e paisnan hulandes oropeo i Boneiru  tambe Saba i St Eustatius kaminda e karga di malesa bou di e grupo aki ta esun di mas grandi.

Tin un seri di factor spesífiko konsiderá den e paisnan di Aruba, Kòrsou i St. Maarten (CAS). Por ehèmpel e sistema di informashon den e kuido di salú den e paisnan CAS kisas no ta sufisientemente konfigurá pa identifiká e gruponan di riesgo médikamente. Den e kaso aki, e konseho di salú ta rekomendá pa selekshoná gruponan den funshon di edat, kuminsando pa edat mas grandi. E kapasidat di atenshon i e rekursonan finansiero limitá den e paisnan CAS tambe por influensia den un eventual distribushon di vakuna.

E vakunashon prioritario di e personal di kuido por kontribuí na e kontinuashon di e atenshon. E konseho di salu ta rekomendá, ku bista riba e salu públiko, pa e personanan no registrá den paisnan CAS tambe tin akseso na e vakunashon.

E konseho ta bisa mas aleu ku e konseho ta provishonal i ta basa riba e situashon aktual. Un mihó klaridat riba e efikasia di e diferente vakunanan kontra COVID-19 ku ta spera den futuro por sòru pa un vakunashon diferente. Esaki tambe ta apliká na e evolushon di e kantidat di infekshonnan i hospitalisashonnan.