WILLEMSTAD.-Un ratu pasá tres ambulans a yega hospital. Esaki ta e resultado di un aksidente basta serio ku a tuma lugá mas tempran den oranan di mainta riba e kaminda pa Banda Bou na altura di Gato. Brantwer tambe mester a duna asistensia den e kaso aki, mester a kòrta outo pa aliviá i saka un di e víktimanan ku a keda pegá den e vehíkulo.

No ménos ku tres ambulans tabata nesesario pa transportá e víktimanan di e aksidente aki. Téknikonan di departamentu di tráfiko di polis ta hasiendo e investigashon pa determiná kousa di e aksidente. Un bia mas e kaminda pa Banda Bou ta sitio pa aksidente hopi serio. Pronto rekuperashon na esnan ku a resultá heridá.