WILLEMSTAD.- Tim multidisiplinario a konstatá durante último dianan ku tin hopi animal eksótiko riba nos isla sin ku e doñonan ta disponé di pèrmit.

Kontinuando ku e kontròlnan, e tim multidisiplinario ku ta konsistí di di KPC, MEO, GMN, Duana i SBAB, djárason i tambe ayera a tene kontròl riba establesimentunan ku ta negoshá den animal i animal eksótiko.

Un establesimentu ku ta fungi komo parke zoológiko, eksótiko i atrakshon turístiko, a haña atvertensia pa: aktividat sin pèrmit di molèster (hindervergunning), animalnan eksótiko sin tin un aplikashon pa drenta Kòrsou.

A haña prosèsverbal: pa violashon di pèrmit pa tene animalnan eksótiko/animal peligroso, e.o. boa i tarantula.

E kontròlnan aki ta kontinuá.