WILLEMSTAD.- Ayera durante di oranan lat di mèrdia te ku anochi e personal di “Unit Speciale Taken” (UST) konhuntamente ku Milisia di Kòrsou (Curaçaose Militie) i e personal di Duana a tene kontròl(nan) dirigí riba posishon ilegal di arma di kandela i otro delitonan.

Esaki ta relashoná ku e trabounan di ‘Task Force Vuurwapen”.

A tene e kontròl riba Weg naar Hato nèt promé ku Rooseveltweg.

Durante di e kontròlnan aki a kontrolá un kantidat grandi di vehíkulo i tambe personanan ku tabata den e vehíkulonan.

Polis a repartí tambe vários prosèsverbal pa diferente infrakshon pa entre otro kore ku glas pretu pegá i manehá sin un reibeweis bálido.

Tambe vários outomobilista moviendo ainda sin dokumentonan na òrdu.

Tambe a hasi vários detenshon pa entre otro Violashon Lei di Opio i tambe personanan indokumentá.

A bai ku tur e personanan aki warda  miéntras ku a konfiská e droganan tambe.

Esnan indokumentá a keda entregá pa departamento di imigrashon pendiente nan deportashon.

Polis a kita tambe algun vehíkulo i a transportá nan ku kran pa Kurá.

E kontròlnan aki ta kontinuá.