Ladronisia di outo un problemátika hopi serio

Willemstad.- Na vários sitio na Kòrsou, entre otro den Punda, Rooi Santu, Koraal Specht, Dam Pretu, Kent U Zelf, polis a haña diferente outo prosedente di ladronisia kompletamente plumá. Entre e vehikulonan tabatin asta unu ku e malechornan a sende na kandela despues di a kita e piesanan ku nan tabatin mester. Den un di e kasonan, doño di un di e outonan hòrtá a kaba di yega kas alrededor di 1'or di mèrdia i pa 3'or ora el sali pa bai drenta su outo ya malechornan a bai kune. Manera a yega di indiká den pasado, mayoria biaha e ladronnan di outo aki tin pedido spesial di sierto vehíkulo of piesa. Konsekuentemente nan ta marka un vehíkulo i kuminsá vigilá tur paso di e doño pa promé chèns ku haña nan probechá hòrta esaki.

No tin duda algun ku ladronisia di outo ketu bai ta un molèster hopi grandi riba nos pais.