WILLEMSTAD – Awe trempan di mainta outoridatnan mester a akudí ku urgensia na un garashi riba Seru Fortunaweg pa motibu ku lo tabatin vários outo na kandela. Nan nan yegada enberdat a bin topa ku un situashon basta fèrfelu. Mester a yama bomberonan pa akudí tambe na e sitio pa por a paga e kandela na e vehíkulonan. Esaki a duna nan basta trabou i tambe pa evitá ku e kandela ta sigui ekspandé. Investigashon preliminar ta indiká ku lo a sende e outonan aki na kandela intenshonalmente kousando un daño enorme.  Esnan ku a kometé e akto aki a pasa sende e outonan un pa un na kandela. Den oranan di mainta awe reshèrshi a keda di bai hasi un investigashon mas profundo.