WILLEMSTAD. - Den un komentario kòrtiku formulá pa redakshon di Extra, Stanley Ignacio a ekspresá un preokupashon ku e tin últimamente.  T’asina ku den e último dianan nan por tuma nota ku tin vários kaso di palabrua i warawara ku ta kai den kurá di hende, algu ku no ta normal. Warawara ta kana abou na sitionan straño asta den Punda, Skalo etcetera. E paranan aki ta keda hibá pa su persona i e ta trata di skapa nan bida. Pero vários di nan ta muri despues di un par di dia. Ignacio a splika ku e no sa kiko ta pasando i lo ta bon pa outoridatnan kompetente investigá pa wak kiko ta pasando ku e paranan aki.