WILLEMSTAD.- Shofùr di un vehíkulo por poko a pèrdè su ko’i kareda. Ayera durante ora di dia, un shofùr atento a sinti manera huma saliendo for di su tapa di mashin. Ora el a para su vehíkulo i wak kiko ta pasando, el a tuma nota ku ta e bateria di outo tabata huma i menasando di pega na kandela. E shofùr a aktua rápido i a saka e bateria promé ku esaki a pega na kandela. Di e forma aki el a skapa e vehíkulo mes tambe di sende na kandela. No tabata nesesario presensia di brantwer na e sitio. Pero polisnan si tabat’ei pa asina tuma nota di e situashon ku a surgi.

Danki Dios e shofùr mes a logra skapa su vehíkulo.