WILLEMSTAD.- Un biaha mas velosidat haltu a poderá di un vehíkulo ku e shofùr no por a kontrolá esaki mas riba kaminda ku konsekuensia el a bòltu drenta mondi. E aksidente aki a tuma lugá riba Helmin Wiels Blvd. Djis despues di e lusnan di tráfiko na altura di Centrum. E outo a keda destruí kompletamente. E okupantenan dje outo a Sali ileso for di e aksidente. Ambulans a presentá na e sitio i a kontrolá esnan den outo, i a referí nan pa nan dòkter di kas awe mainta.
E forma kon e aksidente aki a tuma lugá sigur ta unu di atenshon, pasobra a krusa e patio di rekreá unda hende ta kana i kore baiskel.
EXTRA ta kere ku a yega ora pa outoridatnan pone protekshon p’esnan ku ta rekreá den e área.