Awe pueblo venezolano ta vota

WILLEMSTAD.-Awe ta dia di elekshon na pais bisiña, Venezuela i for di tempran siudadanonan di Venezuela bibá aki na Kòrsou a bai forma fila dilanti konsulado di Venezuela den Scharloo pa asina nan por depósito nan voto.

EXTRA tabata presente den oranan di mainta i a tuma nota e.o di venezolanonan ku a deklará ku nan ta vota ku e meta pa logra un gobièrnu nobo na Venezuela, sperando un mihó futuro pa nan yunan i nietunan. Nan a ekspresa e deseo pa situashon por kambia den e pais di manera ku tur venezolano rònt mundu por bai bek nan pais. E deseo ferviente ta pa logra un Venezuela liber atrobe.