But di mei mion dòler si InterCaribbean no kumpli

WILLEMSTAD.- Desishon a kai den korte pa loke ta trata e kaso kontra InterCaribbean Airways. Ta un desishon ku gran parti di Kòrsou tabata pendiente di dje, teniendo kuenta ku ta dependé di e desishon aki pa sa si Insel Air ta sigui òf ku esaki lo nifiká final di e kompania di aviashon lokal.

Den su veredikto wes ta ordená InterCaribbean pa kumpli ku e akuerdo di kreditor manera palabra i ta pone un but di US $ 500.000,00 den kaso ku InterCaribbean no kumpli.

Kada partido mester kubri su propio gastunan pa loke ta trata e kaso aki. E veredikto ta firma pa wes mr. Meijer i ta drenta na vigor inmediatamente. Mas detaye den edishon di EXTRA.