WILLEMSTAD - Djaluna mardugá dia promé di òktober alrededor di 04.20’or, Sentral di Polis a risibí yamada di un hòmber bentá den un plas di sanger den Kaya Áwaseru.

Na yegada di e promé unidat, el a bin topa ku un hòmber drumi parsialmente riba su barika i ku no tabata duna señal di bida.  A pidi presensia di ambulans i na nan yegada, e personal aki tampoko por a hasi algu mas pa e víktima.

Dòkter di polis ku a yega na e sitio, a konstatá morto di e hòmber Rodney Andruw Nicolina, Nase na Kòrsou dia 3 di yüli 1968.

E víktima tabatin vários hinka na diferente parti di su kurpa.

Riba òrdu di fiskal di Ministerio Públiko a konfiská e kurpa sin bida pa mas investigashon.

Polis ta pidi kualke persona ku por tin informashon tokante di e kaso aki, pa yama 917 òf e liña anónimo 108.