Di dos morto den tráfiko

WILLEMSTAD.- Polis ta informá ku awe mainta a drenta e notisia for di hospital ku e víktima di e aksidente na e minimarket na Dein a fayesé. Ta trata di e hòmber Jose Farrell nase na Korsou na 1947. Manera EXTRA a informá anteriormente, djasabra mèrdia dos minüt pa 3’or atardi sentral di polis a haña notifikashon di un aksidente ku a tuma lugá dilanti di un minimarket na Dein.

Investigashon na e sitio a mustra ku un dama ku a yega na e sitio pa stashoná, pa un motibu deskonosí a primi gasolin na lugá di brek, ku e konsekuensia ku e outo a bai dilanti i dal e hòmber. Polis ta indiká ku esaki a bira e di dos morto den tráfiko pa loke ta trata 2020. Mas detaye den edishon di EXTRA.