WILLEMSTAD.- E grupo ku Virtual Youth Support ta bai guia e aña aki na Hulanda ta konsistí di alrededor di 60 studiante. E studiantenan ta bon prepará kaba pa nan bida di studiante na Hulanda. Un parti di e studiantenan a sali Kòrsou dia 18 di yüli ku un guia di Virtual Youth Support, ku ta kompañá nan rumbo pa Hulanda, tambe tin un grupo ku ta sali for di Aruba. Na Schiphol ta risibí e studiantenan i ta hibá nan na  e adrès ku tin registrá komo nan ‘huisadres’.

Virtual Youth Support ta establesé na Kòrsou i na Hulanda. Na Hulanda e studiantenan ta risibí guia ekstenso, for di momentu ku nan yega te ora ku nan por para riba nan propio pia. E guia aki ta forma parti di e proseso, i ta nesesario pa sigurá e studiante di un bon start na Hulanda i pa evitá ku e studiante ta frakasá na Hulanda. Na nos ofisina na Kòrsou tur e proseso atministrativo ta kuminsá, pa asina e studiante dal e promé pasonan pa prepará nan mes bon pa nan bida di studiante na Hulanda. Ta prepará e studiante bon pa e ta kla i pa  integrá di un manera ‘smooth’ den e komunidat Hulandes. Asina e por kuminsá su bida komo studiante na Hulanda.

Di e studiante nan ku Virtual Youth Support a guia na Hulanda aña pasá 69% á logra nan promé aña ku éksito. Esaki ta un logro hopi grandi i nos di Virtual Youth Support ta hopi satisfecho ku e logro aki.

E organisashon ta duna guia den e siguiente área nan:

Diferente webinario i kurso di preparashon :p.e. ‘traha presupuesto’, ‘solisita’, kushina salú i ekonómiko;

Inskripshon na skol na Hulanda;

Aplikashon pa finansiamentu di estudio na Hulanda (DUO);

Asistensia pa haña bibienda na Hulanda

Yuda pa haña finansiamentu na un banko lokal

Tèst nivel di Hulandes di studiantenan

Tur loke mester tuma lugá ora yega Hulanda (inskripshon di nòmber na ‘gemeente’, regla seguronan, dòkter di kas, dentista, ‘ov-chipkaart’ i hopi mas.

Virtual Youth Support su ofisina ta situá na Riffort Village unit 506-A, nèt riba Sopranos.

LAGA UN KOMENTARIO

Please enter your comment!
Please enter your name here