WILLEMSTAD.- Kuminsando dia 15 di yanüari 2021 un rekisito di visa lo ta na vigor pa personanan ku nashonalidat venezolano. Esaki ke men ku personanan ku pasaporte venezolano mester apliká pa un visa pa por biaha pa e paisnan Karibense den Reino Hulandes. Personanan na Venezuela por hasi esaki na ofisina di VSF Global na Caracas, personanan ku nashonalidat venezolano pafó di Venezuela por apliká pa e visa na un embahada di Reino Hulandes òf un ofisina di VSF Global, dependé di nan lokalidat. Chèk  https://www.netherlandsworldwide.nl/travel/caribbean-visas/short-stay-caribbean-visa-90-days-or-less pa mas informashon.

Ministerio di Asuntunan di Eksterior a implementá sierto medidanan en konekshon ku e pandemia di COVID-19, ku tin konsekuensia pa apertura i aksesibilidat di embahadanan i konsuladonan di Reino Hulandes mundialmente.

Un di e medidanan ta ku temporalmente niun hende no por bishita un embahada òf konsulado sin sita. Te próksimo aviso personanan ku ke apliká pa un visa Karibense mester akudí na Direktorado di Relashonnan di Eksterior (DBB) pa hasi petishon pa un sita pa aplikashon di visa. E Direktorado lo komuniká esaki ku e embahada òf ofisina di VSF i despues e persona konserní por sigui ku e proseso di visa regular.

Un petishon pa un visa por wòrdu mandá na consulaire.dbb@gobiernu.cw.

Gastu pa un visa ta €80. Por fabor tene kuenta ku VFS Global por kobra pa nan servisionan. Tambe tene na kuenta ku dor di COVID-19 por tin restrikshon pa drenta Kòrsou di eksterior, por fabor tuma nota di último notisia di gobièrnu di Kòrsou pa ku esaki via https://gobiernu.cw/corona-travel-to-curacao/