WILLEMSTAD.-Vise promé minister Steven Martina tambe a dediká atenshon na e deseo di Nicolas Maduro presidente di Venezuela, kende den durante un diskurso ayera a ekspresá deseo pa restablesé relashonnan ku Kòrsou. Na opinion di vise premier, por papia aki di un notisia positivo.

E mandatario ta kere ku si tuma na kuenta ku e relashon ku Venezuela ta unu di hopi tempu, por menshoná relashon komersial, familiar, kultural, sosial, polítiko i otronan.

Martina, meskos ku premier Rhuggenaath a enfatisá ku niun momentu Kòrsou no a sera frontera ku Venezuela. Di tur manera e anunsio di presidente Maduro pa restablesé e relashon sigur ta algu positivo.