WILLEMSTAD. - Basá riba preguntanan ku ketu bai ta drenta aki na EXTRA relashoná ku kiko ta pasa ku voto blanku, EXTRA a papia ku Presidente di Konseho Supremo Elektoral  sr. Raymond Pacheco Römer ku a duna di konosé ku en bèrdat ainda tin hopi hende ta brua i òf no sa kiko ta pasa ku un voto blanku.

Un voto blanku ta un voto inbálido, pues no ta konta i un voto ku no ta konta no por bai pa niun hende. Konsekuentemente e voto aki ta tirá afó.

E votadó defakto no a bisa ken e ta sostené, ke men e ta bai huntu ku e votonan inbálido.

Pa loke ta trata “restzetels”, esaki ta dependé di kuantu hende a vota i kuantu partido no a logra haña asiento.

E votonan aki lo keda repartí bou di e partidonan ku a haña asiento i den e kaso aki i e bentaha semper ta bai pa e partido ku a haña mas voto.