WILLEMSTAD. - Den oranan di mardugá, E Dash-8 di Warda Kosta di Kòrsou tabata patruyá i a señalá un moveshon sospechoso riba laman na e parti ost di Kòrsou. Mesora a saka dos Super RHIB den direkshon di e lancha ku tabata move riba laman.
Tabata mas o ménos 3.35’or di mardugá ora ku e unidatnan di Warda Kosta a interseptá e lancha i a topa ku 26 venezolano indokumentá den e lancha.
Tabatin 17 hende homber i 9 hende muhé den e lancha.
Despues ku a listra tur hende riba e lancha pa seguridat, a trese e lancha aden na Parera i a entrega e grupo di indokumentá nan aki na Kuerpo Polisial.