WILLESMTAD – Un ratu pasa den alrededor di 2or di mèrdia Wardakosta mester a duna asistensia na un boto di piskadó den problema. Ta trata aki di un boto di piskadó, Lady Nany basta chikí ku solamente un motor di afó. E motor di e boto lo a duna e piskadó problema i aktualmente tin basta lama na parti sùit di Kòrsou  na altura di Rif. Wardakosta a hasi uso di nan Metal Shark pa tou e boto di piskadó ku un persona abordo trese kantu. Na promé instante lo kier a trese e boto paden na Koredor pero debí na e lam brutu a opta pa kue kabes pabou direkshon Piscadera ku ta mas fásil pa drenta.