WILLEMSTAD - Ayera nochi pa mas o ménos 11or e Sentro di Kordinashon di Wardakosta (RCC) a detektá riba radar un kontakto sospechoso ku tabata bini direkshon di Kòrsou. Mesora a avisá e Punto di Sosten di Wardakosta na Parera. Inmediatamente a manda un Metal Shark direkshon di e kontakto pa interseptá esaki. A para e go-fast un mia pafó di Caracasbaai. Mester a los dos tiru di atvertensia pa stòp e boto. A haña diesdos (12) hòmber , seis (6) hende muhé , tur ku nashonalidat Venezolano, i dos para eksótiko di e tipo Wakamaya. A entregá tur persona na polis anto e paranan na departamento veterinario.