WILLEMSTAD.- Personal di Wardakosta a kanta bingo ayera den oranan di mèrdia, despues ku alrededor di 2’or di mèrdia, e operador di radar a tuma nota di 4 boto di forma sospechoso ku tabata move den área di Spaanse Water.

Mesora e personal a bati alarma i Wardakosta a sali ku nan Super-RHIB den e área i a logra interseptá e botonan aki.

A topa 3 boto modèl
“Speedboat” ku tabata tou 1 boto ku lo tabata tin problema ku motor.

A tene un kontrol mesora riba e botonan i a kanta BINGO na momentu ku riba 2 di e botonan aki a topa:

Kantidat di arma di kandela, vários munishon i 2 handgranaat.

Aparte di esakinan a haña vários maleta konteniendo pañanan, kuminda i hopi mas.

Personal di Wardakosta a hasi detenshon di 8 hende homber di nashonalidat venezolano relashoná ku e kaso aki miéntras ku nan a bai ku 2 di e botonan na Wardakosta Parera i a  hasi preparashon pa konfiská e 2 otro botonan tambe.

E investigashon den e kaso aki ta kontinua.

A entregá tur e sospechosonan den man di Kuerpo Polisial di Kòrsou ku a bai warda di polis ku nan huntu ku tur loke ku a keda konfiská.

Miéntras ku e botonan tambe a keda konfiská.