WILLEMSTAD - Ayera atardi,24 di yüli, banda di 18:25 e avion Dash 8 di Warda Kosta durante di un patruya regular a detektá un boto piskadó chikitu  ku dos hende a bordo cu tabata purba hala nan atenshon. Na e momentu ei e Dash tabata 120 mia nort di Aruba. E Sentro di Reskate (RCC) di Warda Kosta na Curaçao, despues di a haña e notifikashon di e Dash a tuma kontakto inmediatamente ku e barku di Marina Real, Zr.Ms. Groningen ku na e momentunan aki ta patruyá pa Warda Kosta, pa puntra pa na helikòpter bini na e sitio pas asina hisa e dos tripulante for di e boto.

Miéntras tantu e RCC a tuma kontakto ku un boto, S/V Tiarra ku tabata den bisindario pa para kla pa duna asistensia si ta  nesesario. Esaki esperanto yegada di e helikòpter di Marina Real, e NH 80. E polis na Aruba a haña notifikáshon di  RCC di e situashon. Polis na su turno a notifiká ambulans y hòspital.

Seguidamente RCC a tuma kontakto ku FDF pa informá tokante un informashon anterior ku a drenta, di  pèrdida di dos piskadó ku for di dia 7 di yüli a sali ku nan boto piskadó, PA SA TOUCHE, anto no a regresá mas. E piskadónan ainda tabata pèrdí. E deskripshon di e barku piskadó pèrdí ta kuadra ku e boto ku Dash a mira.

Despues di a hisa e dos tripulante for di e boto a hiba nan Aruba unda e piket ofisial di Warda Kosta  i ambulans  ta warda kla pa transportá nan pa hòspital. E dos hòmbernan a deklará despues ku nan a sali bai piska ku solamente un kompas a bordo y sin gps. RCC a informá e outoridat na St. Lucia ku a haña e dos piskadó. RCC a informá y agradesí tur ku a kontribuí na e reskate.