WILLEMSTAD - Awe mardugá alrededor di 02:00 or di mainta RCC di Wardakosta a mira un boto sin lus na parti sur di Klein Kòrsou ku tabata nabegá na un velosidat hopi abou. Mes ora a alarmá e Cutter Jaguar ku a sali pa bai interseptá e boto. Banda di 03 :45 a topa e boto i a subi a bordo unda a haña 23 persona indokumentá. Ta trata di seis (6) hende muhé i diesshete (17) hende hòmber, probablemente di nashonalidat venezolano. Na kaminda Jaguar a hañá asistensia di e Metal Shark I-03.

Despues ku a drenta na pir di wardakosta a hasi e trámitenan nesesario pa despues entregá e persona nan na polis.