Willemstad – Ayera a drenta un yamada di urgensia serka Rescue & Coordination Center (RCC) di un agencia di barku na Kòrsou. Un tankero bou di e nòmber ‘Nada’ ku a sali Spaña rumbo pa Colombia lo tabatin un tripulante abordo ku tabata for di konosementu. RCC a pone e agensia den kontakto ku un dòkter lokal. Kapitan di barku a indiká ku ta trata di un hòmber di nashonalidat di Pakistan di 42 aña di edat ku un luna pasa a sufri un aksidente pero ku awor no por a kana mas. Mesora Citro a keda involukrá pa bai na e barku pa asina rekohé e hòmber. Ku e embarkashon ‘de Braakman’ Citro a yega na e barku en kuestion. Einan tripulashon di e barku ‘Nada’ a pone e víktima riba un brankar i ku kran a baka esaki abou den e boto di Citro. Miéntras tantu un otro dòkter a akudí ba Annabaai pa huntu ku ambulans kompaña e persona malu pa hospital. Na su yegada e hòmber tabata na konosementu pero tabatin problema ku hala rosea. E barku ‘Nada’ a sigui su ruta pa Colombia.

Wardakosta kier gradisí Citro un biaha mas komo nan partner marítimo pa e tremendo koperashon mutuo. Tambe un danki na e dos dòkternan ku a sostené e akshon di reskate aki. “Huntu sigur nos ta mas fuerte.”