WILLEMSTAD – Wardakosta a emití un komunikado awe den kual ta informá ku ayera alrededor di 17:40 a risibí notifikashon ku lo tin un fiesta tumando lugá den bahia di Fuik. Mas boto den bisindario ta informá e sentro di Wardakosta lokual ta tumando lugá. A pidi polis mesora pa duna asistensia pa riba tera miéntras ku Metal Shark a sali pa e sitio en kuestion. Despues di logra trese e situashon bou di kontrol a hasi un petishon pa paga muzik i pa bandoná Fuik.

Wardakosta ta rekordá ku e medidanan di Covid ketu bai ta na vigor i ta konta riba laman tambe. Wardakosta lo kontinuá ku kontrol pa violashon di e medidanan aki.

(Foto Wardakosta)