WILLEMSTAD - Awe mardugá Rescue and Coordination Center a lokalisá a nota un movementu sospechoso na parti sùit di Kòrsou. RCC a dirigí un tim di Warda Kosta huntu ku Curmillers na e lokalidat. Na yegada a topa ku un boto tipo yola ku 6 hende hòmber, 2 hende muhé, 2 makaku i 2 galiña na bordo.

Durante kontròl riba e boto a haña tambe 7 pakete kual ta sospecha ku nan ta kontené droga.

E 8 personanan i e paketenan a ser entregá na KPC. E animalnan a ser transportá pa servisio veterinario.