WILLEMSTAD - Wardakosta a tuma nota ku diferente medio di komunikashon lokal a kombersá tokante e tópiko di tereno di Wacao i e entrenamentunan ku arma ku ta tuma lugá riba e tereno. Wardakosta ta informá ku na momentu ku tin entrenamentu den e área, Wardakosta su tarea ta pa mantené seguridat di e piskadónan ku ta piska den e área aki. Ora tin entrenamentu ku arma riba tereno di Wacao un piskadó por kore peliger den kaso ku e pasa den e zona di peliger riba laman.

Komo outoridat riba laman Wardakosta tin e deber pa informá piskadónan di e zona di peliger i pa nan tene distansia for di e área di peliger pa nan propio seguridat. Seguridat riba laman tambe ta un dje tareanan importante di Wardakosta pa personanan por yega kas seif bèk.