WILLEMSTAD.- Bosero di Wardakosta Shalick Clement den un entrevista ku Extra ta duna di konosé ku warda kosta semper ta alerta pa situashon nan ku por presentá riba laman, pero nan ta vigilando e situashon di Venezuela di aserka pa asina por aktua asina ku nan detektá algu riba laman òf haña informashon di algu di atenshon.
Warda kosta no solamente ta hasi uzo di nan botonan sino tambe di nan avionnan i helikòpter pa asina tene nos kostanan safe.

Sra. Clement ta hasi un petishon pa komunidat tambe yuda warda kosta dor di yama i duna informashon na momentu ku nan sa di posibel entrada nan ilegal.