WILLEMSTAD - Hues H. Bracht a indiká awe na komienso di e kaso di asesinato di Toon Brood ku esaki ta un dia hopi emoshonal. E viuda di Toon Brood, Sonja Brood, i nan yu Bart (12 aña) ta presente. Hues a indiká ku Bart por sali di sala si e sinti ku e kaso ta emoshonalmente demas pa dje.

Hues Bracht: “E momento ta hopi emoshonal, tambe pasobra tin hopi kolega presente.” Hopi militar di Koninklijke Marechaussee den unifòrm ta presente den sala. P’esei di e situashon emoshonal, hues a pidi tur hende pa keda kalma durante e tratamentu di e kaso.

E kaso ta wòrdu tratá awe, pero lo wòrdu interumpí te ku 8 di yanüari 2025. Esaki tin di aber tambe ku e pousa di aña nobo. Sentensia lo wòrdu duna dia 29 di yanüari 2025.

Awe mainta, manera EXTRA a informá anteriormente, Korte di Hustisia ta trata e kaso di asesinato di un miembro di Koninklijke Marechaussee ku a tuma lugá na Kòrsou dia 31 di Mei, algun momentu promé 12’or di anochi.