WILLEMSTAD.-Den un veredikto ku a kai djis un ratu pasa, wes mr. Sap a bai di akuerdo ku e petishon di Gerrit Schotte i Cicely van der Dijs pa permití e fiskal italiano R. Pelicano pa duna deklarashon den korte. E partidonan ta haña un periodo di 4 siman, te ku yüni 2019, pa palabra e fecha riba kua ta regla pa skucha deklarashon di Pelicano. Wes a ordená gobièrnu pa kubri gastunan di e kaso aki.

Durante tratamentu di e kasonan di hustisia lokal kontra Schotte i su partner na vários okashon e pareha a mustra riba embolbimentu di abogado general van der Schans i a pidi korte pa laga e fiskal italiano splika kiko van der Schans a papia ku Pelicano. Segun e pareha esei lo por trese klaridat den e akusashonnan kontra Schotte i van der DIjs.

Korte ta mustra ku for di un prinsipio ku e wes ku mester husga e petishon preliminar pa skucha un testigu no tin poder speshal. Den kaso di Schotte i van der Dijs nan petishon nan a splika e importansia di e deklarashon di Pelicano pa e investigashon rondó di e kaso pasobra nan ta konvensí ku van der Schans no a aktua korekto. Opviamente tin e intenshon pa sigui pa un kaso di daño di perhuisio den esfera sivil.

Pelicano su deklarashon lo ta den kuadro di e investigashon kontra e pareha pa kua ámbos a haña kondena kaba. Pero ta importante pa atendé ku e deklarashonnan inkorekto di van der schans. Mas detaye den edishon di EXTRA.