WILLEMSTAD.- Wes na Kòrsou awe tardi a sentensiá Amon Fraay ku 26 aña di prizòn pa likidashon di Tahir Jansen I Toon Brood. Tambe wes a sentensia Aivano Martina ku 18 aña I Claverzjion Nocento ku 16 aña pa likidashon di Toon Brood. Segun wes e tres hòmber (Fraay, Martina i Nocento) a drenta den kas di Toon Brood, na Reigerweg, dia 31 di mei 2024. E tres tabatin intenshon pa hòrta kos fo'i kas, pero nan a tira Brood mata ora el a mira nan drenta su kas. Segun wes e tres hòmber a aktua ‘hopi kruel’.
Glennson Zimmerman a haña sentensia di 30 luna (seis luna kondishonal) i un ‘proeftijd’ di 3 aña. E tabata shofùr di outo e nochi di asesinato. Zimmerman no a drenta kas di Brood.