OM vários luna no ta paga NFI

WILLEMSTAD.- Situashon finansiero delikado di pais tin su influensia den hustisia tambe. Awe wes mr. Edelenbos tabata bastante indigná pa e motibu ku atrobe un rapòrt di investigashon sumamente importante pa determiná kulpabilidat òf no di un sospechoso, no ta tei debí ku Ministerio Públiko no a kumpli ku pagonan na e instituto forénsiko ulandes NFI. Wes a skòrs numa, pero ta kore e riesgo ku e sospechoso aki lo por sali liber, miéntras ku polis i OM ta bon konsiente ku ta trata di un tersio peligroso.

Awe mainta korte a kuminsá ku tratamentu di un kaso di atrako serio ku a tuma lugá. A bin dilanti ku ta falta rapòrt di NFI den e kaso aki, pero ta resultá ku Ministerio Públiko tin vários luna sin paga NFI. Wes a indiká ku esaki por tin konsekuensia serio pasobra e sospechoso por bai liber pa falta di e rapòrt ku no tei. Buskando mas leu EXTRA a komprondé ku tin mas kaso di kua rapòrtnan forénsiko no tei pa falta di pago. Mas detaye den edishon di EXTRA.