WILLEMSTAD -  WINAIR lo re-introdusi su dos frekuensianan semanal di buelo entre St. Maarten pa Kòrsou i Aruba, kuminsando 28 Mei. Motibu pa esaki ta e suavisashon di e rekisitonan di entrada di Covid na St. Maarten pa no residente di St. Maarten biahando for di islanan ABC.

WINAIR na komienso di Aprel a wòrdu forsa pa adaptá su skema di buelo di 2 pa 1 buelo pa siman, dor di e kontagio haltu di Covid na islanan ABC i  medidanan fuerte introdusí pa outoridatnan di St. Maarten dor di limitá entre otro biahamentu pa solamente residente di St. Maarten for di islanan ABC. WINAIR huntu ku su partner Air Antilles a skohe pa mantene esun uniko buelo, pa asina garantisa den tempunan difísil tras di lomba, e laso komersial, históriko i kultural entre nos islanan.

“Nos ta konsiente di e insertidumbre i dolor di kabes ku e pandemia di Covid a kousa nos pueblonan i mui en espesial nos klientenan. Pero apesar di esaki, nos di WINAIR ta anhelá e oportunidat di por jama abo i bo sernan kerí un bon bini kaluroso abordo di un di nos buelonan, di akuerdo ku meneer Cleaver, presidente director di WINAIR”.“Ku re-introdukshon di dos buelo pa siman ta brinda nos e oportunidat di ofresé un mihó produkto pa St. Maarten, mihó konekshon pa tantu Saba i St. Eustatius, famianan por bishita nan sernan kerí den fin di siman i nos klientenan korporativo un biaha mas por hasi nan biahenan di negoshi ku mas fasilidat.”

Pa mas informashon pa ku reservashon di biahenan ku WINAIR, bishita bo agensia di biahe faborito òf nos página www.fly-winair.sx