WILLEMSTAD.-Tur preparashon ta hasí di manera ku mayan djarason por kuminsá bakuna poblashon den WTC tambe. For di tempran EXTRA a tuma nota di e trabounan ku tabata tuma lugá den preparashon pa e sala grandi na WTC.

Despues ku a kuminsá anteriormente na hospital Sehos, Sambil i SDK pa mayan ta kuminsá na WTC tambe. Dr. Jerry Semper a informa EXTRA ku ta e intenshon pa kuminsá bakuna 1500 hende pa dia na WTC, pero ta karga e speransa ku basta lihé lo por oumentá e kantidat di yega 3500 hende pa dia ku ta haña bakuna.

E ritmo ku Kòrsou ta bakunando su poblashon ta hañando rekonosementu tur kaminda i sigur den reino. Na Ulanda ni personal di hospital i médikonan no ta kompletamente bakuna ainda.