WILLEMSTAD.- Teniendo na kuenta e tormenta den nos direkshon, EXTRA lo habri su wèpsait pa tur hende.

Manera promé minister a anunsiá ayera nochi durante di un relato di dia ekstraordinario, entrante awe 4 or di atardi lo tin Toke de Keda. Tur pero tur negoshi lo ta será i no por tin hende riba kaya pa e ora ei. Transporte públiko tampoko por move atardi. Ta solamente servisionan vital lo por ta riba kaya si esaki ta nesesario.

Prensa ta vital i nos lo tei riba kaya pa informá nos pueblo i nos fiel lektornan i siguidónan di ret sosial i wèpsait di e último informashonnan.

Den e kuadro aki, teniendo na kuenta ku e toke de keda ku a keda anunsiá i ku no tin ora pa terminá, nos lo habri nos wèpsait for di awe nochi pa tur hende por keda na altura di tur loke ta sosodiendo.

I manera por a kustumbrá di EXTRA nos reporteronan lo ta riba kaya i lo drenta ku tur informashon bibu mesora ku e sosodé. Esaki por sigui riba nos facebook extracuracao.