WILLEMSTAD.- Nan ta bisa ku “lo bueno se hace esperar” i esaki ta e buki ku Yadira Wall a presentá i batisá den wikènt. Un trabou ku a kuminsá na 2020 i a terminá na 2022 ku hopi satisfakshon.

Homenahe na Bida ta konta historia i lèsnan di bida a base di entrevista ku 72 persona den komunidat i kaminda Yadira Wall tambe a skibi esun di dje.

E buki ta un homenahe tambe na Diana Lebacs i den e kuadro aki na okashon di e boutiso el a hasi entrega di plakat na yu muhé di Diana Lebacs. Madrina i Padrino na e okashon aki tabata Mafalda Salsbach Miguel i Russel Wall.

E buki a keda bendishoná pa pastor Raul i despues di e parti di selebrashon pa e okashon asina importante aki. Pabien na Yadira Wall ku e buki i ku esaki lo ta e kaminda pa mas publikashon.