WILLEMSTAD.- For di òktober 2023 e situashon na Israel i Palestina ta instabil. Iran ku algun afiliado a ataká ku rakèt i drone Israel. Israel a wanta gran parti di e atake, pero ainda asina no por a ekskluí e posibilidat ku por tin mas atake. E region di medio oriente ta instabil. E situashon di seguridat den medio oriente ta insigur i por kambia rápidamente. Kòrsou tin e situashon na Israel na bista. Reino tin un embahada na Tel Aviv. (https://www.nederlandwereldwijd.nl/contact/ambassades-consulaten-generaal/israel/ambassade-tel-aviv).

E konseho di biahe (https://www.nederlandwereldwijd.nl/reisadvies/israel) ta pa no biaha pa Israel. Bandoná Israel si por hasi esaki di un manera sigur.

Un yamada a bai pa hulandesnan i abitantenan di Kòrsou ku aktualmente ta keda na Israel, pa registrá nan mes via e servisio di informashon di Ministerio di Relashonnan Eksterior (https://informatieservice.nederlandwereldwijd.nl/).

E  konseho ta tambe pa notifiká si aktualmente bo ta keda na un otro pais den medio oriente. I si konosé hende di Kòrsou ku aktualmente ta keda na Israel òf un otro pais den medio oriente, por fabor un petishon ta pa nan registrá via e servisio di informashon di Ministerio di Relashonnan Eksterior (BZ) i via e-mail na: info.dbb@gobiernu.cw di Direktorado di Relashonnan Eksterior (DBB), den kua nan duna nòmber, number di telefòn i direkshon na Kòrsou i na Israel (òf e otro paisnan den medio oriente).

Di e manera ei, BZ i/o DBB sa ken tur ta na pais i por tene nan aktualisá tokante e desaroyonan i duna nan konseho. Bo ta bai biaha pa e estranheru? No lubidá, promé ku  biaha, download e BZ-Reisapp (https://www.nederlandwereldwijd.nl/reisadvies/download-reisapp) i sigui e konsehonan di biahe bálido pa bo destinashon.