Rèspèt pa bon trabou di yu di Kòrsou
WILLEMSTAD.-EXTRA a tuma nota di un foto riba ret sosial den kua un señora ta indiká ku e tim di profeshonal marítimo ku a logra na los e barku di kònteiner mega grandi, ku tabata pegá den Suez kanal tabata bou di liderazgo di e yu di Kòrsou Jules Martina. E señora ku gran orguyo ta indiká ku ta su ruman, EXTRA ta kompartí e orguyo di e señora.
Naturalmente e notisia aki ta yena kada yu di Kòrsou i hinter nos komunidat ku orguyo di mira kon nos hendenan ta desplegá den eksterior. EXTRA a buska kontakto ku Jules Martina pero e no ta den posibilidat pa papia, pero di tur manera ta importante pa Kòrsou duna rekonosementu na un yu di tera ku a presta un labor asina meritorio.
E ruman ta indiká tambe ku ta e mesun persona aki, esta Jules Martina ku den pasado a saka e avion chikí di un kompania lokal ku a kai yegando Boneiru. Tremendo labor di un yu di Kòrsou.
Rosula
Dios bendiciona Juluis Martina ku bida isalud;mi ta satisfecho pa sabi e notisianan asina Aplauso.
Joe Eustatia
Ta ku gran orguyoso mi a tuma nota di e mensahe aki. Mi ta spera ku gobierno lo manda pronto un felisitashon pa nos profesional yu di tera . Bo por a tende via televishon hulandes e director di Boskalis atmiti ku tabata un job masha komplika.
Luzmila M. Alvarez
Esta bon! Masha pabien meneer Martina!