WILLEMSTAD.-Informashon ku EXTRA ta dispone di dje ta indiká ku Konseho di Minister di Reino no a trata nada di importansia pa Kòrsou, Aruba i Sint Maarten. E siman aki tur hende a skucha sekretario di estado Ramond Knops bisa ku den e próksimo reunion di Konseho di Minister di Reino lo bai papia riba e yudansa na e paisnan den Karibe Ulandes. E komunidatnan aki banda di oséano ta hopi pendiente konsiderando e situashon sumamente serio ku ta konta pa e paisnan aki.

Spesialmente e situashon finansiero ta primi hopi mirando ku turismo komo pilá ekonómiko prinsipal a kai kompletamente den otro debí na e pandemia di Covid.

EXTRA su fuentenan den ‘politiek Den Haag’ ta splika ku Konseho di Minister di Reino no a papia nada nada di yudansa na e paisnan di Karibe Ulandes. E no tabata ni sikiera riba agènda pa awe! Punto ta ku Kòrsou, Aruba i Sint Maarten mester a kumpli ku e kondishonnan promé ku 1 di sèptèmber 2020. Ta bon konosí ku no a logra kompletamente miéntras ku tin pais no ta ni den kombersashon ku Ulanda pa kumpli ku niun eksigensia. Tin tempu ainda promé ku e momentu krusial yega pa haña e siguiente tranche di plaka.

 

LAGA UN KOMENTARIO

Please enter your comment!
Please enter your name here