Servisio ta kuminsá 24 di novèmber 2025

WILLEMSTAD.- Z Air ta anunsiá ku orguyo e reanudashon di buelonan direkto entre Kòrsou i Medellín, Colombia, kuminsando 24 di novèmber 2025.

Esaki ta marka e regreso di e aerolínea na un di su rutanan mas popular, ku awor ta operá ku e atkisishon mas nobo na su flota, e Embraer ERJ-140, un djèt moderno diseñá pa komodidat, velosidat i konfiabilidat.

Z Air a kuminsá su ruta pa Medellín dia 2 di desèmber 2021, operando ku e avion SAAB 340B.

A pousa e servisionan na aprel 2023 i awor lo reanudá ku introdukshon di e ERJ-140, markando un era nobo di kresementu i inovashon pa e aerolínea.

E ruta Kòrsou–Medellín lo operá dos biaha pa siman, riba djaluna i djabièrnè, segun e siguiente orario:

CUR - MDE: 09:30 AM – 10:00 AM

MDE - CUR: 11:00 AM – 01:30 PM

(Ora lokal di kada pais).

“E re-lansamentu akí ta representá mas ku un ruta nobo; e ta un kompromiso renobá pa konektá nos islanan ku Sur Amérika,” René Winkel, CEO di Z Air a deklará. “Ku e ERJ-140, nos pasaheronan por spera un eksperensia di biahe mas lihé i mas konfortabel, ku orarionan di buelo ku ta kumbiniente i faborabel pa e biahero. Yegada na Medellín na un ora rasonabel tambe ta yuda biaheronan evitá e filanan largu di inmigrashon, hasiendo henter e biahe mas suave for di

kuminsamentu te final.”

Pasashi ta disponibel aworakí pa kumpra via www.flyzair.com, ofisinanan di benta di pasashi di Z Air, i partnernan agensia di biahe na Kòrsou, Boneiru, Aruba, Sint Maarten i Colombia.