WILLEMSTAD.- Ziggy Marley ta trahando riba un ‘pelíkula biográfiko’ riba su tata, Bob Marley. No tin un regisor o eskritor konektá na e proyekto.
Segun e revista ‘Variety’ e plannan di Paramount Pictures ta den un fase preliminar.
Bob Marley a bende mas ku 75 mion albùm rònt mundu. Su hitnan di mas grandi tabata ‘Stir it Up’, ‘Get Up Stand Up’, ‘Buffalo Soldier’ i ‘Redempion Song’.
Na 1981 Bob Marley a fayesé ku 36 aña di edat pa motibu di kanser.
Ziggy Marley ku a nase na 1968 komo yu di Bob i Rita Marley. Na edat di 11 aña e tabata e lider di e grupo ‘Ziggy Marley & The Melody Makers’ huntu ku su rumannan, Sharon, Cedella i Stephen. Aña pasá Ziggy Marley a gana un Grammy pa e mihó albùm di reggae.