WILLEMSTAD.- Ayera tardi e barku di defensa Zr. MS Groningen a drenta haf di Kòrsou. Normalmente e barkunan ku ta stashoná aki ta keda 4 luna den Karibe i kada promé biaha ku nan yega Kòrsou, e ta bai kompañá ku e seremonia tradishonal. I den e kaso di ayera tambe esaki a sosodé ku saludo for di Fort Krommelijn ku a keda kontestá ku 21 tiru di kañon. Loke ta nobo ta ku e biaha aki Groningen ta keda pa 2 aña largu stashoná den Karibe. E barku ta keda den área di Karibe, miéntras tin kambio konstantemente dje tripulashon.

Zr.Ms. Groningen pa promé biaha ta keda largu asina den área di Karibe. Zr.Ms. Groningen ta ser usa pa kombatimentu di droga i ta yuda wardakosta den área di Karibe. E barku tin dos boto di velosidat i tambe un helikòpter. Riba e foto momentu ku e barku di defensa ta drenta haf i por mir’é ta pasa banda di e barkunan di Brasil ku tambe tei e wikènt aki i ku por sierto ta habri mañan djasabra pa públiko.