CMC: A sobra 2 kama kuido intensivo
WILLEMSTAD.-Informashon ku EXTRA ta dispone di dje ta indiká ku polis mester a bai na Poli den Kaya Grandi di Otrobanda pasobra un grupo di mas o ménos 5 hende a bai para na entrada di Poli i ta zundra tur hende ku bai pa bakuna. Tin mayornan ku a bai ku nan yunan i otro adultonan ku a disidí ku nan ke bakuna, tur ta para den rei. Por sierto tin un rei relativamente largu, pues basta hende na Poli pa haña nan turno pa bakuna.
E grupo di hendenan anti bakuna ta grita i usa palabranan sushi kontra mucha i adultonan ku ta para den rei pa bakuna. Polis a bai na e sitio pa kalma e situashon, sinembargo e gritamentu i uso di palabra malu ta pone ku algun mucha ta sinti nan mes inkonfortabel.
Pa loke ta trata e situashon aktual den Curaçao Medical Center ta asina ku pa awe mainta CMC ta informa ku tin 33 pashènt kontagiá ku Covid interná. Un kantidat di 14 hende ta den kuido intensivo. CMC ta informa ku a sobra 2 kama pa por tuma persona den kuido intensivo.
Kenneth Paul Evertsz
Ban hopi serio, anto no a kaj aresto? Bo ta keda sin bakuna anto awo bo ta trapa derecho di esnan ku si ta baj bakuna kaminda ta abo ta esun ku porta ta baj kosta nos sen den CMC ora bo bira malu.