Botanical Scents of nature sra. Silvia Prince Mercera
2024 te bira un aña di retonan pisa. Pero nos tin di keda di focus i sigui padilanti ku metanan bon kla. Esaki segun sra Sylvia Prince Mercera di Botanical Scents òf Nature. Manera ya a bira un tradishon, na final di kada aña sra Sylvia ta presentá kon a bai ku e aña ku a pasa i pa nos tira un bista kiko ta spera nos. I tambe kiko ta e kolonan, holónan, piedranan ku ta dominá i e signo chines manera tur aña nos ta tene kuenta kuné.
Retonan mas grandi
Pa señora Sylvia ta importante pa nos por papia i duna informashon riba kambio di aña. 2023 tabata un hopi difísil. Tur hende mester a traha duru i den 2024 e reto ta muchu mas grandi. Nos ta kaba aña ku guera i yen kos i e reto ta mas grandi. Tur hende mester focus riba loke nan ke, na manera positivo i nan por kana e kaminda bon pa ounke kuenta problema tin pasa dor di nan.
Semper positivo
Pa e focus ta mihó positivo, e ta konsehá tur hende ku ounke nan ta spiritual òf otro ta besig ku nan mes, pero na forma positivo, Pero kurason mester ta limpi pa asina por sigui pasobra retonan ta hopi. Den 2024 lo ta muchu mas reto pero no ta asina ku ta retonan ku no por pasa dor di nan. Pero tene kuenta ku mester keda trankil, pensa positivo., hasi kosnan positivo i yuda bo próhimo. Purba yuda mas tantu posibel sra Sylvia a bisa.
E dragon chines
I e aña aki e signo ku ta dominá ta e dragon di chines. Pero e dragon segun sra Sylvia ta un dragon ku ta trese suerte, prosperidat i duna salu i pa bo para riba bo pia. Bo mester sa kiko bo ke. Hopi bia e suerte te bin pero bo mester sa kiko bo ke. E dragon ta inspirashon. E ta kere ta bon pa focus bon riba bo kosnan, pensa bon i positivo pa guia bo mes.
Berde di suerte
E kolonan ku ta dominá ta mas bèrdè. Berde ta kolo si speransa, I pa loke ta piedranan ta Pyrit, citrin, jade, peridot i Tyger Eye. Nan lo dominá den 2024. Meskos ku e holó ku tin di tene kuenta kuné ta e holo di bambu bèrdè i tambe akasia. Esei ta Bergamot, vetiver, mandarina i algun esensia mas manera ylang ylang, lavender, sandalwood i tur esei ta mas pa suerte I si ke bai mas trankil ta bergamot, vediver i mandarina. Mandarina ta esun ku ta trese forsa pero e ta trankil.
Bon prepará
I manera por spera semper, Botanical ta bon prepará. Nan tin nan awanan ku na mes ta traha. nan awanan pro keda usa pa dos propósito esta baña i limpia kas. Ta rosa, mandarina i shete rosa ku nan mes ta traha for di nan mes esensianan. Tambe Lavender, i hopi mas por haña serka nan. No ta traha awa di manda fuku ets pero na awanan ta abase di esensial.
Limpia kas
I na momentu ku ta bai limpia kas tin abre camino spesial ku tin rosa di oro den dje i tin 7 sorto ku nan a hasié mas riku. A hinka mas ingrediente den dje pa e hole mas tantu. Tambe tin hopi sensia i tambe esnan ku nan mes ta forsa. Manera e shete sorto i abre camino, shete potensia ta nan mes ta hasié. Ora mesklanan e ta hole dushi tambe i tin su efekto.
Bela ku ta lusa dor di glas
I manera por spera, Botanical Scents òf Nature ta muchu mas ku holo, bela i kos di laba kas i baña. Sra Sylvia a splika ku nan tin belanan di Village Candle. Teniendo na kuenta ku lus ta masha importante den fin di aña, lus ta esun ku ta yuda hende krese den su pensamentu, hopi lus ta trese inspirashon i p’esei e aña aki tin un bela di Village Candle den un glas ku ta manda lus rondó di dje. Ora sende e ta manda lus rònt su kurpa. Esaki ta e Shining Collection di Village Candle. Tambe tin diferente asesorio pa ofresé. I p’esei e piedranan manera Jade, Pyrit, Citrin, Peridot, Tyger Eye nan ta traha kombinashon di tur. I e kliente por trahe manera e ke. E kliente ta bin ku su deseo i nan ta hinka den otro. E ta rekomendá pa usa e piedranan aki den kambio di aña.
Dragon blood
Loke tambe ta masha in e aña aki ta e Dragon Blood. Segun sra Sylvia ta bon pa usa sensia di dragon blood pasobra ta aña di dragon i e ta trese suerte, fortalesa, firmesa i tambe pa salu. I e ta tres e prosperidat tambe., Tin e sensia fini i tin sage di dragon blood. Tambe tin e kombiná ku sage. Dragon Blood ta e sensia ku ta hopi rekomendá.
Orario fin di aña
Pa loke ta e orario di e fin di aña aki, e ta 9 or di mainta pa 7 or di anochi. Djadumingu ta di 8 pa 5 or i dia 31 tambe for di 8 or di mainta te 5 or di atardi. E djasabra dia 30 ta di 8 or di mainta te 7 or di anochi. Por hasi pedido; 738 6187 òf 5153967. Preferibel no dia 30 ni 31 pasobra lo no por kue telefòn. Por te ku awe 29 di desèmber pa hasi pedido.
Pordoná
Habri 2024 ku mente sano, hopi trankil i focus riba kiko ke logra, kiko ke i purba pa pordoná i asina lo wak kon bon ta sigui den aña. Wak pa tin amor, na promé lugá pa bo mes. Stima bo mes pa stima otro. Tene kuenta ku tur esakinan i abri un aña bon próspero i ku hopi bendishoná i pensa riba kosnan positivo.
