MOSCOW, AP.- Un apartamentu di nuebe piso a kolèps parsialmente djaweps na wèst di Rusia, lagando por lo ménos tres morto i tres herido, segun indikashon di outoridat.
Funshonarionan na Izhevsk ta kere ku e kousa di e insidente probablemente tabata un eksploshon di gas natural. Tipo di eksploshonnan asina ta komun na Rusia, kaminda mayoria biaha tankinan di gas ta wòrdu usa pa kushina na kas.
E funshonario di ministerio di emergensia Igor Kutrovsky a bisa den deklarashonnan na televishon ku ekiponan di búskeda a reskatá tres persona, kende a wòrdu hospitalisá ku herida i a saka tres kadaver ku tabata bou di e ruinanan.
Outoridat ta kere ku tin mas persona bou di e ruinanan aki. Izehvesk, di 625.000 habitante, ta keda 1.200 kilometer na ost di Moscow. Den e siudat aki mayoria planta industrial, inkluyendo un fábrika ku ta produsí kalashnikov i otro armanan.