TORONTO, AP.- E promé minister di canada, Jusin Trudeau, a bisa djaluna ku lo sera frontera di e pais pa tur hende ku no ta siudadano, merikano, òf residente permanente, i a pidi tur kanades pa keda den kas durante e pandemia di Coronavirus.
“Tur kanades mester keda den kas mas tantu posibel”, asina Trudeau a bisa dilanti di su kas, kaminda e ta den karentena voluntario despues ku su kasá a tèst positivo pa e vírus.
E gobernante a indiká ku su gobièrnu a tuma e desishon basá riba rekomendashonnan sientífiko i di salú públiko, pero ku e merikanonan por sigui drenta apesar ku e kasonan di enfermedat ta oumentando na Merka.
“Nos ta rekonosé e nivel di integrashon di nos ekonomia”, asina el a bisa.
Mayoria ta konsiderá Merka komo e sosio komersial prinsipal di Canada, ya ku 75% di e eksportashon ta di Merka.
El a agregá ku e pais ta tuma “pasonan kada biaha mas agresivo” pa mantené tur hende safe.