SANTIAGO DE CHILE, AP.- Un fiskal a akusá ocho polis i dos sivil di ta involukrá den un froude di e institushon pa por lo ménos 25,5 mion dòler, oumentando e kantidat di funshonario involukrá na 35.
Fiskal Eugenio Campos a demandá nan ki asosiashon ílisito, malversashon di plaka públiko i labamentu di plaka i no a deskartá ku esnan involukrá por oumentá na 80.
Campos a bisa ku 10 akusado a risibí transferensia di plaka riba nan kuenta bankario personal ku 1.740 mion peso kual ta 2,6 mion dòler.
Ministerio Públiko a informá ku e defroudashon a konkretá mediante e desvio di kuentanan bankario institushonal pa kuentanan koriente di personal, kende tabata kobra e plaka i debolbé esaki na nan hefenan. Te ku 27 di aprel e plaka di froude lo a yega 25 mion dòler, segun indikashon di Campos djamars.
E froude ta esun mas grandi den historia di polis uniformá i a pone ku e mando aktual mester presentá un plan di restrukturashon ku ta inkluí desaparishon di departamento ku a kometé e froude aki.